الثلاثاء، 19 نوفمبر 2013

خـلـفـيه مـجـانـية Freebies | Wallpaper



مساء الخير 

اليوم بعد ماشربت قهوتي قلت ليش مااصمم شي وسويت خلفيه 

وان شاء الله تعجبكم 








Review Clinique High Impact Extreme Volume Mascara

السلام عليكم 


مراجعه لماسكارا من كلينك .. Clinique High Impact Extreme Volume Mascara


نادر جدا اني ارجع اشتري نفس الماسكرا اللي شريتها من قبل وكل مره ابحث عن شي غير ماجربته 
وهالمره وقع الاختيار على هالماسكرا من كلينك .. انا رموشي متوسطه الكثافه و طولها حلو وزاد طولها من بعد مااستخدمت منتج مافالا

وسويت عنه ريفيو هنا بالمدونه تقدرون تشوفونه .. فصرت ابحث عن الكثافه اكثر ابي اي ماسكرا تعطيني حجم كبير وكثيف .. 



وشفت هالماسكرا ومكتوب عليها اكستريم جربتها عندهم واعجبتني جدا .. 
تعطي كثافه وطول حلو .. وكل ماحطيت طبقه صارت احلى .. والماسكرا سائله يبي لها حذر وقعت الاستخدام عشان ماتلطخ ويبي لها وقت تشوي عشان تجف  .. بس النتيجه روعه وعن نفسي حبيتها ..

زي ماتشوفون بالصوره شعيرات الفرشه من البلاستك .. وحتى بنهايه الفرشه فيها شعيرات
حلوه لاطراف الرموش وجدا حبيت هالخاصيه .. بس ماانصح فيها للرموش السفليه لانها كفرشه كبيره 
وتوصل للعيون وقت الاستخدام .. 


التقييم : ٤ونص من ٥ 
السعر : ١٤٥ درهم 
مكان الشراء : باريس غاليري فرع مردف ستي سنتر 

الجمعة، 15 نوفمبر 2013

ملابس اعجبتني

السلام عليكم

هذا اول بوست لي عن الفاشن
لي فتره ابحث بالمواقع او حتى بالسوق عن اشياء جديده وغريبه
وانا لبسي اما يكون قطعه غريبه او شي كلاسيك واضيف له اكسسوار يلفت النظر

وخصوصي بعد جسمي ماتغير وصرت انحف حاليا احاول اغير من ستايلي والبس اشياء جديده علي

شفت هالموقع ولقيت قطع حلوه بشاركم فيها

..
Find out latest women fashion clothing at PersunMall.com

Find Out Latest Women Fashion Clothing At PersunMall.com


....


بليزر ناعم ب ٩٥ ريال
..

وهذا بليزر غريب ويونيك .. وسعره ب ٣٢٣ ريال
..


فستان بسيط وانيق بنفس الوقت ب ٢٦٦ ريال
..


انا اي شي فيه دانتيل يقتلني ولا اقدر اقاومه هالشي خطير جدا ب ٣٨٠ ريال
..


حلق اعجبني خصوصي انه كل وحده شكل ويناسب اذا الشعر كيرلي وعلى جنب ب ١١٨ ريال
..

اسواره اعجبتني جدا تنفع للارم كاندي ب ١١١ ريال
..


الموقع حاليا فيه عروض حلوه الى تاريخ ٣٠ / ١١ /٢٠١٣



(1) 10% OFF $100+ Free shipping on all orders
Promo Code: thanks10 

(2) 15% OFF $150+ Free shipping on all orders
Promo Code: thanks15

(3) 20% OFF $200+ Free shipping on all orders
Promo Code: thanks20 




PersunMall Promo Codes For Thanksgiving Day


رابط الموقع : www.persunmall.com




الخميس، 14 نوفمبر 2013

فطور في قهوه ماديلين دبي مول - Breakfast at Madeleine Cafe Dubai Mall

السلام عليكم 

حبيت اكتب اليوم عن شي غير 
احب اروح اماكن جديده واجرب اشياء غير هنا في دبي 

ومن فتره شوي طويله وقعت في حب هالكافيه الفرنسي الرايق 
وزيارتي له ٣ مرات وكلهم لفطور صباحي 

كافيه فرنسي اسمه ماديلين في الدور الثاني من دبي مول
يطل على النافوره وجلساته حلوه سواء الداخليه او الخارجيه 
وبال٣ زيارات كان اختيارنا الجلسات الداخليه 




المكان جميل جدا جدا ورايق وبعيد عن الازعاج و اغاني فرنسيه رايقه 

وللاسف ماصورت الديكورات كل شي فيها فرنسي بحت 

بعد ماتختارون طلباتكم يجيبون سله خبز فرنسي مع زبده و عسل ومربى 


وانا هالفقره مو صحبه معاها لاني مااكل عسل ولا مربى بس الخبز حلو والخبز الفرنسي معروف بروعته 

وبعدها بشوي يجيبون المشروبات  وهذا العيب فيهم يجيبونها بسرعه والاكل شوي يتاخر 
فاللي يحب ياكل ويشرب بنفس الوقت مشكله بالنسبه له لانه الكوفي بيكون بارد 


جربت من عندهم الموكا يعني حلوه بس بالزيارات الثانيه اخذت قهوه امريكيه روعه روعه روعه تدخل بالراس 
احب القهوه الساده واذا جت وفوقها رغوه او فقاعات صغيره من القهوه نفسها هنا اعرف انها تمام التمام 

...


وهنا اطباق الفطور 

اول طبق هذا الحبيب والعشق  كرواسون محشي بيض مع جبن خياااااااال خيال اصلا البيض عندهم شي ثاني
من احلى الاماكن اللي اكلت فيها بيض على الفطور 

احب الكرواسون اللي يجي ناشف ولا اشوف الزبده مبقعه بالصحن وهذا تماااام 
والبطاطس روعه كآنها زبده 

في ال ٣ زيارات اخذت نفس الطبق من روعته 
ومو ناويه اغير بصراحه 

وفي كل الزيارات اعجب البنات اختي وبنات خالاتي 

المكان روعه والخدمه ممتاااازه سريعين بالتجاوب وعينهم سريعه الملاحظه 

واكيد برجع لهم في اي وقت .


الاثنين، 11 نوفمبر 2013

October Empties



السلام عليكم 


منتجات خلصتها في شهر اكتوبر مع ريفو صغير عن كل منتج 



...






من اليمين 
-بودي مست للجسم بريحه البودره احبه واعشقه جدا وعادي جدا لو اسبح فيه سعره = ٢٢ درهم موجوده بجمعيه الاتحاد التعاونية 
=بودي مست من باث اند بودي احب روايحهم وسعره = ٥٠ درهم ومتواجد بجميع فروع باث اند بودي
-واللي بالوسط بعد بودي مست للجسم رائع جدا وهالماركه افضلها على باث اند بودي لانها ثابته اكثر والكحول فيها اقل 
هالريحه بالضبط نفس ريحته توايلات وود نفس اللي بباث بالضبط 
سعر العلبه الصغيره تقريبا ب ١٥ درهم والكبيره ب ٣٢ درهم 
هالماركه عن جد تستاهل التجربه لانه الروايح تثبت اكثر والسعر ارخص من باث اند بودي 
ومتواجده بعد بجمعيه الاتحاد التعاونية 
- مزيل للعرق من دوف ماحبيته كثير واستعمله بالبيت ريحته حلوه بس ماراح ارجع اشتريه 
- مزيل للعرق من ريكسونا هذا المفضل عندي ثبات روعه واستخدمته للطلعات ولكل شي 
واحط منه اذا بروح للنادي مافيه اي ريحه عرق تطلع جدا حلوو وصار لي سنين استخدمه 

...



- بوده للجسم من جونسن العشق الابدي 
- كريم للجسم من فازلين بريحه الصبار حبيته خفيف وبسرعه تتشربه البشره وحبيت اني اخلصه قبل مايتغير الجو وابدا احتاج الى الكريمات الاثقل 
- كريم للجسم من باث اند بودي بريحه العنبر احب هالريحه من عندهم راقيه وثقيله وتبقى الريحه بالجسم 
- تونر من بوتس من مجموعه بوتانكس الطبيعيه  من احلى التونر اللي استخدمته بحياتي 
لطيف على البشره ولا يسبب لها اي احمرار ابدا ويشيل اي وسخ او بقاياا مكياج ظلت بالبشره 
- محلول عدسات من رينو حلو مافيه شي 

....



- مجموعه سامبلز من the face shop خاصه بالتبييض 
صراحه ماحسيت باي شي وعاديه جدا ( سيروم - كريم )

- مجموعه سامبلز بعد من the face shop خاصه بالترطيب 
هذي روعه للترطيب لانه اساسها من الماء حبيتها 
العلبه فيها تونر خفيف و كريم انا حبيت الكريم ترطيب حلو وريحته خفيفه وناعمه 

- كريم للوجه من غارنيه خفيف وحلو 
- شمعه بالتفاح الاخضر من ايكيا 

....



من فوق من اليمين
- ٢ سامبلز من  dermalogica حبيتهم واخذتهم بعد ماسويت الفيشل مع مجموعه كريمات بكتب عنهم في الفتره الجايه
- سامبل من لانكوم لتوحيد اللون جديد وشكله حلو لون الكريم وردي خفيف وريحته روعه ويعطي ملمس ناعم 
- عدسات من جونسن افضل عدسات على الاطلاق لحد يتعدى هالماركه 
تحت من اليمين
- مناديل مزيله للمكياج من نيتروجينا مااذكر كم مره اشتريت هالناديل اكثر شي ناسبني ولا يحرق لي عيوني 
وبشرتي 
- مناديل للشنطه روووووعه بجد ناعمه ورطبه وتنفع لليد وللوجه ولا تحسس الوجه
- قطن دوائر للوجه استعمله للتونر او لبايوديما اشيل فيه مكياج العيون وحلو 


...


وهذا كل شي خلصته لشهر اكتوبر 
واكيد فيه لنوفمبر لاني خلصت كذا شي هاليومين 

وشكرا لكم 

الأحد، 10 نوفمبر 2013

Review Spa Fit Smoothing Refining Body Scrub مراجعه مقشر بودي شوب سبا فت

السلام عليكم 


مراجعه ل مقشر Spa Fit Smoothing Refining Body Scrub من بودي شوب 




مقشر للجسم من بودي شوب جذبني لونه اول مادخلت المحل وجربته عندهم على ايدي واعجبني
مقشر يعطي نعومه جدا حلوه للجسم وريحته حمضيات ليمون و جريب فروت مع زيت عطري 
الحلو فيه انه يترك البشره ناعمه وطريه ومترطبه 

والتقشير لازم يكون بشكل دائري احب اقشر الاماكن اللي فيها خطوط بيضاء 



شكل المنتج او المقشر قريب انه يكون مثل الجلي او الهلامي ان صح التعبير وتلاحظون انه فيه قشور الليمون والجريب فروت ومعروف انهم يساعدون على تقليل الخطوط البيضاء 



طبعا ماشال الخطوط بس اللي حبيته انه ينعم المكان ويرطبه 
بس حبيته واذا خلصت العلبه ممكن ارجع اشتريها من جديد 

بس اللي مايحب ريحه الحمضيات انصحه انه يشم المنتج اول لانه يمكن ماتتحملون الريحه لانها قويه بس حلوه ومنعشه 


الاستخدام : مرتين بالاسبوع 
مكان الشراء : محل بودي شوب 
السعر : ٩٩ درهم 

الجمعة، 8 نوفمبر 2013

ZANEDO Life style Beauty Box

السلام عليكم 

احب اشوف البنات في اليوتيوب وخصوصا اللي يتكلمون عن المكياج والتجميل بشكل عام 
وكنت حابه فكره ال beauty box اللي توصلهم خلال كل شهر 
فبحثت عن شركه هنا في دبي ولقيت ٢ glambox واللي اشتركت فيها  ZANEDO

 ZANEDO  Life style Beauty 

وقع اختياري على الشركه الثانيه لانها لايف ستايل و جمال مع بعض 

واشتركت لمده ١٢ شهر وسعر الاشتراك = ٧٥٩ درهم والتوصيل مجاني للبيت 
" الشركه هذي بس للامارات "

ووصلتني اول علبه 
حبيت العلبه جدا قويه ومو مثل العلبه العاديه خفيفه وحبيت التغليف رايق وانيق 



 شامبو من الفيف من لوريال سعره = ١٧ درهم 
كريم الجمال من دوف = ٩ دراهم اتوقع هذا سعره 
مناكير من china glaze = ٣٦ درهم  " اللون جميل جدا فسفوري وفاقع جدا بس مااات ايه نعم مات شي جديد وحطيت صوره تحت فيها درجه اللون "
سبري ماي من evian = ١٢ درهم 
عطر صغير من لانكوم هيبنوز 
و٣ تيستر من Elemis 




تقريبا سعر محتويات العلبه = ٧٤ درهم 
وسعر الشهر الواحد ٦٣ درهم يعني انا ربحت اكثر 
جدا حبيت هالشي و توصلك هديه كل شهر وكل مره شي مختلف وممتع .

هذا لنك الموقع www.zanedo.com
وهذا ل www.glambox.me


وان شاء الله كل شهر بكتب عن كل علبه تجيني ووش محتوياتها 
ونشوفكم قريبا 

الخميس، 7 نوفمبر 2013

Review Mavala Double Lash - مراجعه لماسكرا مافالا للرموش

السلام عليكم 

ريفو او مراجعه لماسكرا مافالا للرموش والحواجب 





سيروم يوضع ليلا على الرموش والحواجب ومختبر من دكتور للعيون يعني امن ولا منه خوف
يساعد على كثافه الرموش والحواجب وتطويلهم .. 
علبته زجاج وهالشي حلو وعجبني بعد انه الفرشه مثل فرشه الماسكرا  يعني سهله وسريعه ماتاخذ وقت 
اهم شي يوضع على رموش وحواجب نظيفه 

وبالنسبه لي منتج احبه وشفت فرق بصراحه رموشي صارت اطول وبدت تصير اكثف وهالشي جدا حابته 
واستخدمته على حواجبي لانه عندي فراغات وابي اعبيهم ماشفت اختلاف كبير بس فيه تحسن 
الحواجب تطول بسرعه بس الفراغات احس يبي لها وقت لين تتعبى


اعطيه ١٠/١٠

مكان الشراء: قزاز الظهران مول

السعر: ٥٣ ريال واذا فيه عروض ٤٥ ريال 



الاثنين، 4 نوفمبر 2013

Healthy LifeStyle -- الحـياة الصحيـة ٢

السلام عليكم 

رجعت بالجزء الثاني من الحياة الصحية 



وهالجزء خاص بالأكل 

ووش النظام اللي اتبعته 

ان شاء الله بجاوب على كل الاسئله اللي جتني 

واللي ماتابعت الجزء الاول تشوفه وترجع لهنا 

---

اخصائية التغذية قدمت لي نظام السعرات الحراريه 
١٣٠٠ سعره حراريه 

بكتب لكم النظام كامل 

هذا النظام مناسبني انا ممكن مايناسب غيري لاني اعاني من نقص فيتامين دال و الكالسيوم و اعاني من القولون 
ف هي زادت لي الاشياء الغنيه بالكالسيوم وقللت لي الاكلات اللي تثير القولون 

وعلامه # تشير الى نوع او خيار لوجبه واحده من الاختيارات اللي حطيتها 

الفطور :
#  ٢ توست اسمر او ١ خبر عربي صغير او صمون 
     + ملعقتين لبنه قليله الدسم 
# بيضه مسلوقه او مشوحه على النار + خس - طماطم - خيار 
( البيض ل ٣ مرات بالاسبوع )
# كورن فلكس صحي + كوب حليب قليل الدسم 
# كعك او شابوره للرجيم + كوب حليب وشاي 


سنـــاك مابين الفطور والغداء :
# حبه فاكهه  أو حبه بسكويت دايجستف اللايت + كوب شاي اخضر 


الغداء :
لحم - سمك - دجاج ( قد كف اليد ) + ملعقه غرف رز او شريحه توست او ملعقه معكرونه او نص خبر عربي صغير 
+ سلطه او خضار مشويه او مسلوقه او على البخار 

العصر او سنـاااك :
# ٣ حبات بسكويت مالح + شريحه جبن قليل الدسم 
# ١ شريحه توست + شريحه جبن قليل الدسم 
# حبه فاكهه او سلطه فاكهه 
شاي اخضر مع كل سناك 


العشاء :
# مثل الغداء بس بدون الزر او المعكرونه يعني بدون نشويات 
# مثل الفطور بس ١ توست او نص خبز عربي صغير 
# شوربه خضار + سلطه + ١ توست مع جبنه قليله الدسم 


قبل النوم :
حبه فاكهه + حليب او لبن قليل الدسم او روب قليل الدسم 

-----

تقريبا اتبع هذا النظام لمده ١٠ شهور والحمدلله ماشي معاي 

بكتب اشياء تفيد وتساعد 
- اختارو دايما قليل الدسم و الاسمر بكل شي بحياااتكم 
وقارو السعرات الحراريه مثال ( اذا بشتري لبنه قليله الدسم اوقف عند الرف واشوف كل انواع اللبنه قليله الدسم واختار اقل وحده فيها سعرات حراريه ) ونفس الشي للخبز والتوست .
- صوص السلطات اختارو دايما الخفيفه اللايت والافضل تبتعدون عن الصلصات الكريميه زي السيزر والفرنسيه 
او احلى صوص اللي احنا نسويه ( ملعقه عصير ليمون + ملعقه خل تفاح + ملعقه زيت زيتون + ملعقه خل البلسمك ) ادوخ عند هالصوص .. لذيذ 



-اذا تحبون طعم القرفه ضيفوها على الاكل فهي تزيد عمليه الحرق .






- صحن الغدا او العشاء المفروض يكون بهالشكل نصه سلطه و ربع بروتين وربع نشويات .

بحط لكم صوره والاغلبيه يمكن شايفها وهي كميه السكر في الاكل او الحلويات والمشروبات 


الاكل الصحي والطبيعي حلو بس احنا تكبرنا عليه وصرنا ناكل الصناعي 

اللي بيتبع هالنظام ياليت يحاول على الاقل يكون صحي قد مايقدر


حسابات مميزه ومفيده بانستقرام انا استفدت منها

http://instagram.com/bayan2sj  الجميله بيان 
http://instagram.com/Diwani_Diet  محمد وقصه نجاح مصوره 

اتمنى تتابعونهم 


وصلنا لنهاية الجزء وطبعا واكيد فيه اجزاء والى الابد 

وش حابين اتكلم عنه في الجزء اللي بعده
اكمل عن الاكل او شي غير ؟

أرواج نوبـا

السلام عليكم 


من فتره اشتريت ارواج من نوبا 

نوبا ماركه ايطاليه وتتوفر في سنتر بوينت واسعارها معقوله 

اخترت ٣ الوان 


اول لون من اليمين حلو اقدر اقول عنه لون يومي ومناسب لكل وقت  ثابت وشبه مات

والثاني لون بيبي بنك الدرجه روعه وثبات وشبه مات 
الدرجه جميله بس يبي لها كريم اساس ممتاز وهي للمناسبات بالنسبه لي 
وشوي ممكن تخلي الاسنان صفرا 

واللون الثالث برتقالي على مشمشي علر ذهبي شلون مدري بس اعجبني كلون 
ومن النوع اللي فيه لمعه او شمر كثير 
انا مو من محبين الارواج بهالشكل بس اخذته من باب التجربه 
وجربت احطه فوق لون نيود وطلع روعه 




وهنا ارقامهم بالترتيب 


وهذي السواتشز وهم في الحقيقه افتح 


ونشوفكم قريبا