السبت، 8 فبراير 2014

مشترياتي من بودي شوب

السلام عليكم 






مشتريات من محل بودي شوب صار لي فتره طويله ماشريت منهم شي
وكان فيه تنزيلات على وقت مهرجان دبي للتسوق 
واستغليت هالشيء  واشتريت ٣ اشياء فقط



 من اليمين دائما وابدا ..


زيت الشيا  SHEA BEAUTIFYING OIL

انا احب الزيوت لترطيب الجسم واحب اخلطها مع اي لوشن للجسم استخدمه لانه يعطيني ترطيب اقوى ويدوم لفتره طويله 

والشيا معروفه فوائدها ووريحتها جميله ولهالاشياد اخترت الزيت 

سعره الاصلي ٦٥ درهم وبعد الخصم ب ٤٩ درهم 

..


زبده الشيا للجسم  SHEA BODY BUTTER

انا وحده اعشق الزبده على جسمي ترطبه ونعومه وتبقى على جسمي ثابته اكثر من اي شي واحب استخدمها اي وقت وخصوصي بعد اي شور شبه اغرق نفسي فيها والترطيب يبقى لمده يوم ونص تقريبا 

وهالشي احبه لاني فعلا احس انه جسمي يترطب 

وطبعا اخترت الشيا لنفس اسباب اللي فوق 

سعره الاصلي ٧٥ درهم وبعد التخفيض ٦٢ درهم 
..


مقشر بالملح AFRICA XIMENIA & SALT SCRUB

دايما اسمع المدح عليه وكل مره اقول لا عندي مقشرات غيره
ودام اني دخلت للمحل باخذه وخصوصي اني ماراح اشتري اي مقشر لمده سنه من كثر اللي عندي 
وحلو اني اغير من فتره لفتره 

اذا جربته وعجبني اكيد بكتب تجربتي هنا ومتفائله فيه على كثر المدح 

سعره = ١٣٠ درهم 

وبس هذي مشترياتي .

هناك 3 تعليقات:

  1. هلا حنان
    ما شاء الله التصوير جداً رائع
    أي كاميرا تستخدمين؟
    بالنسبة للمشتريات جربت مرطب زبدة الشيا عجججججججيب
    كان الصغير مب الكبير ع اساس اجرب فعلا فنان
    وبالنسبة للمقشر شريته ع كثر المدح وسعره غالي ع مشقر
    بس للأسف ماحسيته سوى ذاك الفرق الخطير
    حسيت حاله من حال غيره حتى ماكملته
    بس يختلف من جسم لجسم يمكن انتي يعيبج.
    اخيرا زيت الشيا هذا صافي ١٠٠ بالمية ولا مخلوط معاه زيوت ومكتوب في العلبة؟
    بليز شيكي لي :$
    وشكرا عالتدوينه الحلوة

    ردحذف
  2. هلا والله المها
    تسلمين حبيبتي ، استخدم كانون 60 دي

    الزبده جدا حبيتها وترطب من قلب، بس المقشر بعدني مااستخدمته بصراحه عندي واحد بخلص منه وبفتح الجديد وبتكب رايي فيه اذا حسيت انه واو او لا

    والله تصدقين توني اشوف شو المكونات طلع موب صافي ١٠٠ بالميه
    الاساسي زيت الشيا ومخلوط معاه ٣ زيوت
    زيت اللوز الحلو -kukui
    community fair trade marula oil

    الاثنين الباقيين ماعرفتهم وبحثت عنهم وحلوين للجسم على حسب اللي قريته انهم يحفظون الرطوبه بالجسم لمده ٨ ساعات

    وفعلا الزيت انا حسيته مرطب

    العفو يالغاليه

    ردحذف
  3. السموحة توني اشوف الرد
    مب صافي بس زين مافيه زيوت معدنية او خرابيط
    شكلي بجرب اشتريه
    انا حاليا استخدم زيت الارغان فترطيب جسمي
    بدون كريمات وخاصة انه يتني حالة اكره المواد الكيماوية
    وفعلا عججججيييب
    ترطيب حلو وابدا مايدبق واسرع زيت تمتصه البشرة
    وكل يوم بالليل ارطب فيه ويهي خفت الحبوب وايد
    انصحج فيه

    ردحذف