Saturday, 29 March 2014

جديد برجوا عطور باريسيه - Glamour Perfumes Chic & Lovely


Glamour Perfumes Chic & Lovely

Bourjois



عطور جديده من شركه برجوا وقريبا بتتوفر في الاسواق 




الأناقة الباريسية من بورجوا
أنيقة حتى أطراف أظافرها،
يمكث الشيطان في التفاصيل.
تضع مكياج أزرق كثيف على عينيها.
ترتدي فستاناً صغيراً: مفتوح عند الظهر.
تجسد الأنوثة الخالدة ولكن تعرف أيضاً كيف تمرح.
تترك وراءها أثر متطور، لبق ولكن قاطع يعود الى "غلامور شيك" (Glamour Chic).


أناقة متميزة
أناقة الزهور وطيبة البودرة
من خلال هذا العبير الفاخر المفعم بطيبة الزهور والبودرة،
تقدم بورجوا عطراً ذو شخصية: تمزج "غلامور شيك" بمهارة روائح
الزهور والبودرة مع مكونات فاخرة ومتميزة، من اجل خلق شذا قريب من البشرة.
يوفر التين مقدمة مبتكرة لهذا اللحن المرتبط بالشم قبل أن يستسلم
لباقة من الزهور الغنية والكثيفة والتي مُنحت
فارق بسيط ودفىء جراء دخول خشب الصندل
والفانيلا الحلوة والمغلفة.



عطر (Eau de Parfum) يجسد الأناقة المعاصرة
المكون الأول: عنب بناتي أسود، الأيلانغ والتين
المكون الوسط: ياسمين، زهر الليمون، الورد ومسك الروم
المكون الأساس: فانيلا، عشبة الباتشول المعطرة، خشب الصندل والأرز
او دو بارفن غلامور           50 ml      80 ml
تغليف جذاب جداً
متبنيةً منحنيات مجموعة غلامور،
تعبر قنينة "غلامور شيك" عن نفسها
من خلال ربطة عقدة باللون الكحلي الداكن
والدنتال الناعم فوق
خلفية آحادية اللون أنيقة وبسيطة للغاية.




..





عطر مبهج للوقوع في الغرام!
رقيقة ولبقة، تحب الألوان الناعمة...
لكن لا تخطئوا، إمرأة "غلامور لافلي" (Glamour Lovely)
لديها الكثير من الشخصية! تناقض الوان الباستيل في
مكياجها مع ألوان مشرقة وحيوية، كاشفةً
عن شخصية أكثر جراةً  مما تبدو عليه.
تماماً مثلها، عطرها ناعم ولكن فوار، حساس ولكن حازم.
تضع عطر "غلامور لافلي"، الذي هو بمثابة قصيدة للورد من بورجوا...



الورد المعاصر
طيبة الزهور ونضارة العصير

يتفتح الورد بروعة مغايرة في هذا العطر
العصري والمرح المرتكز على الفواكه والزهور: "رائع"
نعم ، ولكن أيضاً الى حد ما حار!
عندما تعزز بورجوا من تأثير الورد، يبرز
فوق باقة تلمع بالخضار والفواكه، تنتعش
من نضارة الياسمين وتستمر على مسار
سخي من عطر المسك الناعم والمغلف...
عطر" او دو بارفن" ناعم ولكن حي.

المكون الأول: زهرة الأرجوان، عنب بناتي أسود،
تفاح أحمر
المكون الوسط: الورد التركي، ياسمين السمباك
المكون الأساس: خشب الأرز، عبير المسك والعنبر

أو دو بارفن غلامور
50 ml  80 ml



قنينة رائعة
يمكن العثور على نعومة "غلامور لافلي" كاملةً
في علبتها.
يقدم هذا الغرض الثمين وخطوطه المنحنية التي
تجسد مجموعة غلامور، الشكل المثالي
لإحتواء ظلالها العارية، الناعمة والشاعرية.
فوق لون أحادي من السلمون بتأثير البودرة الناعمة :
بكل بساطة "رائعة".


العطور متوفره بحجمين 
٨٠ ملي = ١٢٥ درهم 
٥٠ ملي =  ٩٠ درهم 




Thursday, 13 March 2014

ZANEDO Life style Beauty Box - Fabruary



السلام عليكم 


محتويات بوكس هالشهر من شركه Zanedo 



كل مره يجيبون شغله جديده علي وهالشي احبه فيهم خصوصي انه فيه ماركات ماقد جربت منها شي 




- مبرد للاظافر وحبيت شكله الانيق من جهه مبرد ومن جهه ثانيه تصميم حلو بالجلد 
- العلبه اللي تحت عطر صغير وريحته شي فرش .
- سيروم للعيون من ماركه Dermato Poietin وهي ماركه طبيه . سعره ب ٩٩ درهم 
- اللي فوق السامبل الاسود عطر للشعر جدا حبيت هالفكره وعمليه بهالتعليب .
- اخر  شي مرطب للبشره من جرجنز بالصبار . سعره ب ١٠ دراهم 




Sunday, 9 March 2014

February Empties



السلام عليكم 


رجعت بتدوينه عن المنتجات اللي خلصتها ، ومثل ماذكرت قبل اني حاليا هالفتره 
جالسه احاول اخلص كل شي مفتوح عندي وباقي في القليل ، والحمدلله هالشهر انجزت كميه لابأس فيها
وخلصت اشياء كبيره نوعا ما ، وان شاء الله الشهور الجايه اخلص كذا شي بعد عشان استمتع بالاشياء الجديده
اللي عندي . 


جربو طبقو هالشي .


نبدا 



من اليمين : 
-صابون سائل لليدين من لوكس بريحه " روعه الغموض " اختي كانت عاجبتها الريحه من الدوام وجبت مثله واعجبتني . 
-صابون سائل لليدين من فازلين المرطب الكامل حبيت ترطيبه ومايجفف الايد . 
- سائل الاستحمام للجسم فيه فيتامين b12 وعلى اساس انه يوحد لون الجسم بس ماشفت اي نتيجه بس ترطيبه جميل على البشره ويعتبر ترطيب خفيف وفيه حبيبات صغيره لونها ودي .

..


- شور جل من باث اند بودي بريحه باريس الريحه جميله بس ماتثبت كثير على الجسم .
- بودي مست او بخاخ معطر للجسم بريحه القطن من باث اند بودي ، ريحته حلوه وبارده على نظافه .
- غسول للرؤوس السوداء ماحبيته كثير ولا شفت اي نتيجه منه ، وكذا مره جربت منتجات من بوندس بس مااشوف اي تغيير على بشرتي .
غسول للوجه من لوريال حلو ويناسب البشره العاديه الى المختلطه بس مااحس يناسب البشره المختلطه الى الجافه لانه بشرتي تغيرت وصارت مختلطه بالتي زون وجافه في باقي المناطق . 


..



- عدساتي الجميله من جونسن انا استخدم هالنوع ومرتاحه عليه جدا ، بس كل مره اشوف سعرها يرتفع اكثر اول كانت ب ١٣٠ درهم وامس شريت علبه جديده وصار سعرها ب ١٧٠ درهم ، صراحه مااعرف ليه يزيد السعر وهي مافيها شي جديد . 
- محلول عدسات من توتي يمشي الحال مو احسن واحد بالسوق بس كان باقي فيه نص وابي اخلصه وافتك منه . 
- مزيل للعرق من ريكسونا ، هذا الشي للاسف الشديد فاشل انا اتكلم عن الرش فاشل بمعنى الكلمه مايسوى شي 
صرت استخدمه بالبيت ومو مرتاحه منه ، اما اللي احبه واعشقه اللي على شكل ستيك او صابونه من اروع مااستخدمت وكتبت عنه كثير في تدوينات سابقه ، بس اللي بالصوره ويكون رش للاسف فاشل .


..



- شامبو جاف شي لازم يكون عندي بحكم انه شعري دهني شي ابد ابد مااستغني عنه من بتيست و حبيت هالريحه .
- بلسم للشعر من بايولجي وهذا للشعر الضعيف ، عندي اللاين كامل شامبو وبلسم وماسك ، الشامبو للاسف خلصته ورميته بس بتكلم عن البلسم شي شي شي شي شي ، كميه صغيره تكفي وتوفي الشعر بعدها زبده من كثر ماهو ناعم ويرطب وكل شي ، اكيد برجع اشتريه هو والشامبو ، انا شعري دهني واختي شعرها جاف وناسبنا احنا الاثنين .
- بخاخ من ترسمي للحمايه من الشعر حلو وكميته كبيره ويطول ، وانا صايره هالفتره اهتم بشعري بزياده واحاول مااستخدم اي حراره عليه ابيه يرجع لصحته وحيويته بس اذا بستخدم شي لازم ابخ منه ، ياليت اللي جرب بخاخ حمايه يقولي لاني ابي شي جديد .
- شامبو من سيوس يعطي حجم للشعر ومافيه مواد ضاره للشعر عن نفسي حبيته . 


...


من اليمين :
- صمغ للرموش من دايسو باللون الاسود والشفاف عاديين ، كتب حابه اجربهم مع الرموش من عندهم .
- قطره للعين تكلمت كثير عندها ولا استغني عنها ابدا . 
-اللي بعلبه المناكير زيت للجلد اللي حول الاظافر من اروع مااستخدمت ، شريته من صالون سسترز اللي بمردف مول وناويه اروح اخذ منه اذا متوفر عندهم .
سامبل من الصيدليه من ماركه Eucerin ماركه طبيه ومعروفه عطنتي اجربه وهو كريم للوجه يملي الوجه ويخفف من الخطوط ومع حمايه من الشمس انا بالنسبه لي عادي وشوي زيتي لانه بعد ساعه منطقه التي زون تبين كانها مزيته ومااحب هالشي ابد بس خلصته . 
- كريم بعد للجلد اللي حول الاظافر من ماركه Flexitol كريم ثقييييييل بس اللي تعاني من جفاف شديد وجروح ممكن تستخدمه لانه بعد ٣ ايام كل شي يصير طبيعي وفعلا ترى انا هالمنطقه عندي حساسه جدا وساعات الزيت العادي مايفيد فجربت هالكريم وماصرت اعاني من اي تشقق او جلد حساس بزياده و صرت استخدمه بعد لرجولي ادهن فيها الرجل كامله والكعب خصوصي ، والرجل تكون طريييه بمعنى الكلمه بس ترى ثقيل . 
- كريم فيوسدين خلصته دايم استخدمه على اي حبه ، او بعد مااسوي واكس لوجهي ، لانه وجهي حساس بزياده 
ومافاد معاي الا هو ، و ان شاء الله ربي يكتب لي اسوي اول جلسه ليزر بعد كم يوم " اذا حابين اكتب تجربتي بعد كل زياده ماعندي مانع " .
- سامبل فاوندشين من بوبي براون حبيته بصراحه لونه طبيعي ومناسبني جدا ، وممكن اشتريه في المستقبل .
-كحل من ميبلين باللون الاسود ، طبعا ماخلصته بس تقريبا استخدمته نصه وعندي من زمااااااان ، وصرت كل مااستخدمه عيني تحسس منه فقرر اني ارميه لانه صار له فتره طويله . 
- واخر شي معطر للسياره او للغرفه من باث اند بودي خلصته بس مايبين بالغرفه كثير ممكن بالسياره هو في مكان صغير ممكن تبين الريحه اكثر . 


وبس هذا كل اللي خلصته في شهر فبراير و نرجع لكم بمثل هالتدوينه بشهر مارس اذا خلصت اشياء .

Friday, 7 March 2014

مفضلاتي العشوائيه لشهر فبراير


السلام عليكم 


من يومين لاحظت اني ولا مره كتبت عن اي شي مفضل عندي في الشهر اللي راح 

وقررت هالمره ابدا بمفضلات عشوائيه بعيده عن الميك اب هالمره 

وبحاول اسوي كل شهر اذا حبيت شي جديد وبغيت اشاركم فيه 

..




انا اقدس الوقت الخاص بالقهوه ، واعشق الشوكلاته الغامقه 

وهالمره اختياري لنوع من القهوه من شركه نسكافيه هالنوع غير ومميز وحبيته بكل صراحه 
ونوع التحميص وسط وتعتبر قويه ، واشرب كوب واحد في اليوم 
لانها تسهرني 

واحب اكل معاها هالتشوكلت بار الرائع شوكلاته غامقه وفيها قطع كامله من البندق 
واعشق البندق بكل حالاته وباي شي يدخل فيه 

اممممممم لذه وطعم رائع 

...



نجي للمنتجات العنايه 

مزيل وتونر للميك اب من لوريال وتكلمت عنه فيه تدوينه سابقه تقدرون تشوفونها 
احبه اشيل فيه الميك اب او استخدمه كتونر ممتاز جدا ، وتقريبا باقي ربع العلبه ويخلص ، وللاسف مالقيته في دبي 
الا في المطار فممكن بالسفر الجايه اجيب منه . 

- كريم لليد بالشيا من باث اند بودي اعشق هالكريم وهالريحه " توايلات وود "" هالريحه هي المفضله عندي من باث اند بودي ، والكريم ناعم واحسه مخملي على اليد ، واحطه قريب مني كل ماذكرت حطيته على يدي .

- بايو اويل ، هو زيت مفيد في تخفيف الخطوط البيضا بالجسم ، مااقول انه يمحيها لا بس يخفف منها ومن بروزها ،
عن نفسي احبه واستخدمه بعد اي شور اكون مستخدمه فيه مقشر ، لاني اقشر المكان اللي فيه الخطوط البيضا واول مااطلع من الشور ادهن المكان بالزيت هذا ، وفعلا خفف لي من بروز الخطوط ، وراضيه عن النتيجه . 




- خيط الاسنان جربت كذا نوع وماحبيتهم حبيت هالنوع ناعم وسلس ومايعور او يجرح لانه لثتي وللاسف شوي ضعيفه
وهذا اللي نصحني فيه طبيب الاسنان . 

- قطرات العيون ، هالشي اللي مستحيل يفارقني لاني البس عدسات طبيه شبه يومي ، ومااحب اطلع بالنظاره ف اغلب الوقت اذا انا بره اكون لابسه عدسات ، والعين طبعا تتعب ، بس هالقطرات مريحه وتريح العين ، انصح كل بنت تلبس عدسات فيها . 



- عطر من باث اند بودي اسمه عنبر بلش ، ريحته رائعه حبيتها وتكلمت عنه في تدوينه مشترياتي من باث اند بودي 
رائع جدا و،حبيت حجمه صغير ورش ويبقى لوقت لابأس فيه .

- زيت للاظافر والجلد اللي حولها ، شاريته من فتره قصيره بس حبيته ريحته خوخ بس حلوه ، وبسرعه الجلد يتشربه 
وتقريبا يوميا احطه على اظافر ايدي ورجولي عشان احمي الجلد ، لانه الجلد اللي حوالين الاظافر متعبني وحساس جدا 
وهذا الحمدلله ناسبني . 

- مسك من عبدالصمد القرشي ، شقول وشخلي ، هذا العشق الابدي واللي مستحيل يتغيرر ، ريحته اناقه و نعومه و نظافه و كل شي جميل ، احب احطه بعد الشور خيال وريحته ثابته لوقت طوييييل ، اللي ماحربته تجربته واكيد اكيدد بتحبه لانه روعه ، وجربت كذا نوع ومن كذا محل هذا احلاهم . 

...


وهذي هي كل مفضلاتي لهالشهر ، وان شاء الله بحاول كل شهر احط لكم كل شي حبيته واستمتعت فيه . 

Wednesday, 5 March 2014

Favorite Lipsticks



السلام عليكم 


حبيت احط لكم ارواجي المفضله ، احب هالدرجات واستخدمهم دائما ، واستخدامي لهم للمساء او في المناسبات
٤ منهم الوان غامقه ولون وحيد فاتح 


من اليمين :
١- روج جميل جدا من محل The face shop وميزه هالروج انه روج ومرطب بنفس الوقت " من داخل الروج فيه بالوسط مرطب " وثباته وسط .

٢- روج احمر رائع جدا من ميك اب فور ايفر واخذته لاني كنت ادور هالدرجه من الاحمر حتى الموظفه هناك نصحتني فيه وانه من الافضل اللي عندهم روج احمر كريمي بس رائع جدا . 

٣- روج عنابي غامق جدا ويعتبر من اغمق الدرجات اللي عندي واحبه في بعض اللوكات ، روج من ريفلون من كلر ستي
ميزه هاللاين ثبات عالي احط منه واخليه شوي وبعدها ينشف ويثبت لانه اول شي يكوون كريمي بزياده بس المهم ينشف عشان يعطي الثبات المطلوب .

٤- هالروج من ريفلون يعتبر مات ومن احب الارواج على قلبي ، واللاين هذا المات من ريفلون رائع عندي ٤ الوان منه وناويه اجيب الباقي كله ، الثبات حلو بس مع الاكل يبدا يروح ، وكثير يقارنونه ب رشن ريد من ماك يعتبر بديل رخيص له .

٥- لون لحمي على نيود مااعرف اوصفه بس احبه جدا سواء لشي يومي او لميك اب للمساء ، وثباته حلو نفس اللي قبله . 


* هنا الدرجات والارقام 




* وهنا السواتشز لكل الدجات " شوي الالوان غير بالصوره عن الطبيعه "

الالوان جدا جميله خصوصي على الشفايف ممكن تجربونهم بالمحل قبل الشراء وانصح فيهم كلهم .