الخميس، 1 مايو 2014

Glambox : April






السلام عليكم 

من اول مااعلنو هالشركه عن افتتحاهم في دبي وانا بخاطري اشترك معاهم بس كل مره يصير شي 
وقررت من فتره اني اجربهم خصوصي اني احب المفاجاه في كل شهر 
الشركه تقريبا افتتحت ٢٠١٢ وماشاء الله من اول ماافتحو الطلبات ودايما العلب مخلصه 
وماالحق اني اشترك ، بس اشتركت وشهر ابريل اول شهر لي مع هالشركه 

واشتركت معاهم لمده سنه  " عندهم كذا طريقه للدفع وانا اخترت اني اسملهم الفلوس عند البيت "
وهالشي آحبه واغلب الشركات اللي في الانترنت بدت تسوي هالحركه 
لاني من النادر اني اطلب شي عن طريق الفيزا احب " سلم واستلم " 

وعندهم ٣ انواع من الاشتراكات 
٣ شهور ب ٢٣٩ درهم
٦ شهور ب ٤٤٩ درهم
١٢ شهر ب ٨٤٩ درهم 

...

الشركه بالبدايه كانت بس ترسل العلب الى سكان الامارات اما الحين لا لاغلب الدول العربيه والخليجيه 
" الامارات - البحرين - الجزائر - مصر - الاردن - السعودية - لبنان - ليبيا - المغرب - تونس - باكستان - قطر " 

اذا كنتي تعيشين بوحده من هالدول ف نصيحه هالشركه لازم تشتركين فيها 
روعه بكل شي ، سرعه ومصداقيه بكل شي 

حتى شركه التوصيل روعه اتصلو فيني وحددت اي يوم واي وقت اللي يناسبني انا طبعا 
وبعدها ارسلو لي ايميل وفيه اليوم والتاريخ والساعه + رقم الشحنه عشان اتتبعها 
وهالشي بالنسبه لي ١٠ على ١٠ 

..
وبكل صراحه اندم اني من زمان مااشتركت معاهم وان شاء الله على طول معاهم 
..

نبدا بالبوكس 

جاني مثل الصوره اللي فوق 


ومثل مامبين انها علبه داخل علبه وحبيت هالشي عشان المنتجات ماتتضرر 

...


محتويات العلبه 
غير المنتجات يعطونك هدايا وخصومات على محلات تجميل او عيادات 
- قسيمه ب ٥٠٠ درهم لمركز التعافي الطبي 
- قسيمه  لتغيير لون المناكير من انستايل 
وقسيمه خصم ٢٠ ٪ من de la mer 

..



من اليمين : 

- ظل للعيون من انقلوت لونه فضي وسعره ب ٣٥ درهم 
وانا اصلا احب انقلوت وعندي منها مجموعه كبيره من الايشدو 

- كريم للجسم من دوف ب زبده الشيا والفانيلا وسعره ١٤ درهم 

- كريم للجسم للحمايه من الشمس وهالشركه ممتازه  خصوصي انه حاليا دخلنا بالصيف
وكريمات الحمايه هذا وقتها وسعره ٥٠ درهم 

- ٢ سامبلز من Essentials جل لترطيب الوجه بالصبار والعسل 

- من Caudlie كريم للوجه يعالج التصبغات 
اول مره يمر علي يبي له بحث مطول 

- كريم لليدين والاظافر من Caudlie كنت اسمع عنه انه ممتاز
حبيييييييييييته حبيته حبيته 

وهذا كل شي كان بالبوكس لهذا الشهر 

وان شاء الله كل ماتوصلني العلبه اكيد بكتب عنها هنا 

اللي حاب يشترك معاهم من هالرابط 


..

وحابه اعلن عن بوكس الشهر الجاي شهر ٥ مايو 
راح يكون كل منتجات البوكس من بنفت ايه بنفت  benefit 

سوو هالشي من قبل انه البوكس كامل من بنفت والناس جنت عليه وخلص طبعا 





وهذا موقعهم 


هناك 4 تعليقات:

  1. في شركة ثانية اسمها ipsy اتمني تجربينها

    ردحذف
    الردود
    1. ايه هالشركه كثير اشوف لها باليوتيوب
      منتجاتهم حلوه ، لو علي اجيب شركات امريكا وبريطانيا ، عندهم منتجات وافكار جميله جدا

      حذف
  2. يعطيج العافية كنت اتشاور اشترك وياهم وانتي حمستيني اكثر

    ردحذف
    الردود
    1. هلا حبيبتي
      جربيهم جدا حلوه الشركه وخدمتهم ممتازه ، ماشفت عليهم شي
      وعندي كود للخصم استخدميه
      BENE20
      واتوقع اليوم اخر يوم للاشتراك عشان يوصلك بوكس بينفت الجديد

      حذف