Saturday, 28 June 2014

June Empties منتجات خلصتها في شهر يونيو

السلام عليكم 


من زمااااان ماكتبت موضوع عن الاشياء اللي خلصتها اخر شي كان بشهر ٢ واحنا الحين بشهر ٦ 
ماشاء الله الايام تمشي ، 

بحاول المرات الجايه كل ماخلصت شي علي الاقل ٧ اشياء واكتب عنهم لانه ماشاء الله اشياء كثيره تجمعت 

..




...

من اليمين : 


- كريم للجسم من باث اند بودي ب ريحه القطن ، بصراحه ماخلصته اول كريم يسبب لي حساسيه بجسمي مع اني استخدمته من قبل بس هالعلبه يمكن لانها عندي من زمان فما كملتها من شفت الحساسيه . 

- بايو اويل ، احبه واايد ناس تقول انه مانفعها ، انا بالعكس نفعني خفف لي من الخطوط البيضا ، وفيه خطوط شوي بارزه واحس فيها اذا لمست جسمي هذا الزيت خفف من انتفاخها وصار جسمي ملمسه واحد ، احطه بعد اي شاور واقشر بشرتي بالشاور ... و استخدمته بعد مع اي كريم للجسم عندي كم قطره منه مع شوي من الكريم اخلطهم بايدي وادهن جسمي ، واحب الترطيب اللي الاقيه بعدها . 

- كريم الايد من باث اند بودي بالشيا ب ريحه التوايلات وود افضل ريحه عندي في كل باث اند بودي ، احب هالكريم واستخدمه لكل ايدي . 

- كريم للايد من باث اند بودي بريحه المسك ، ريحه خفيفه وجميله . 

- كريم للجسم " عينه " من احد العلب اللي استلمها كل شهر ، خلصته وكريم عادي مافيه زود بكل صراحه . 

..



- قطن دوائر حبيت اجرب هالنوع لانه فيه فيه شكل ووخطوط غير عن القطن العادي وممتاز مع التونر كاني اسوي تقشير خفيف للبشره . 

- مناديل مرطب و معطره ، آحب هالنووووع ريحته حلوه واستخدمه لكل شي ، وترى جدا حلو للميك اب الخفيف . 

....



- ماسك للوجه من كول اند كول حبيت اجربه ، عادي ماحسيت بشي بعد استخدامه . 

- واقي للشمس من بايودرما واخذت هالنوع وهذا مات عشان مايعطيني منظر زيتي على وجهي وهذا حلو بس بالاخير بدا يخلي وجهي رمادي ، باقي في العلبه اقل من الربع .

- سيروم للعيون من استي لودر ، على كثر ماقريت انه هالسيروم خيالي للاسف الشديد ماشفت اي نتيجه منه ، شفت اشياء سيئه بصراحه ، انا وحده اعاني من هالاتي بشكل كبير وهذا مو حلو ، كل ماحطيته بالليل من بكرا الصبح اشوف المنطقه تتقشر بشكل رهيب لدرجه اني اقدر اشيل القشور وحجمها كبير ، قريب وبحثت مالقيت احد نفس حالتي واستمريت عليه بشوف اي نتيجه معاه بس مافيه فايده ، حتى اخليه لاسابيع وارجع استخدمه ونفس المشكله ، وسعره غاااااالي .

- موس صغير للوجه استخدمه لوجهي وحواجبي بما اني اسوي ليزر لوجهي ومااقدر استخدم غير الموس ، ممتاز بصراحه ودايما اشتريه ، موجود ب دايسو ودلتني عليه الممرضه اللي تسوي لي الليزر . 

..



- مزيل للمناكير من دايسو ، قديم بصراحه وماصدقت انه يخلص . 

- قلم من سالي هانسن ، للعنايه بالاظافر والجلد اللي حوالي الظفر ، مكتوب عليه انه يطول الاظافر ، وانا اصلا اخذته 
للجلد اللي حوالي الظفر وماشي حاله . 

- مقشر للايدين من باث اند بودي جميل جدا وقوي ومناسب للايد ، احب استخدمه وبعدها ارطب ايدي باي كريم ثقيل للايد . 

...



شرايكم بميكي بس 

- مرطبات للشفايف من لابيلو ، حلوين ، حاليا استخدم اللي بالتوت بس مو حابته كثير لانه يطلع طبقه بيضا على الشفايف بس بحاول اخلصه . 

- كريم جليسوليد ، مين مايعرفه ثقيل بس حلو استخدمه لرجولي وفي ايام البرد كنت اخلطه مع اي كريم عادي للجسم 
لانه جاني جفاف رهيب . 

....



- عطر جميل جميل جمييييل من العطور اللي حبيتها ريحته انيقه و شي انوثي بصراحه ، كل ماحطيته واحد من اخواني يسالني شنو حطيت ، اسمه مونتانا Mantana ، يقولون انه بس في لندن بس ماادري اذا موجود في دبي ياليت اللي يعرف يقول لي ، لاني عشقته . 

- عطر جميل بالعنبر من باث اند بودي شوب ، من العطور المميزه عندهم ، شريت هذا وخلصته في فتره قياسيه بصراحه 
اللي ماشمه يشمه لانه حلو بصراحه .

....




- امبولات للشعر من اروع مااستخدمت في انبات الشعر انا من زمان قلت اني بكتب موضوع عنها وان شاء الله هالمره بكتب ، بس شي رائع . 

- ماسكرا من مافالا للرموش وكتبت عنها ريفيو كامل   هناااااا   رائعه جداااا . 

- فيتامينات للشعر رائعه و لهم موضوع ان شاء الله قريب مع الامبولات ، خلصت علبتين وحاليا انا في الثالثه . 


...



- مزيل للمكياج شبيه جدا ب بايوديرما وكتبت عنه هناااااا ، ممتاز بصراحه ، واللي اعرفه انه حاليا موجود بالسوبر ماركت.

- ماسك لتجديد البشره ، حلو وهو من الماسك اللي تقدرين تشيلينه وانا احب هالشي يعطيني شعور جميل . 

- العشششششق العشششق ، اجمل واخف ريحه ريحه اطفال على بودره على كل شي جميل اتوقع في كل منتجات خلصتها بتلاقون هالمنتج ، هو عطر خفيف للجسم هو اصلا للاطفال بس جمييييل  . 

- مزيل للعرق من ريكسونا ، افضل شي جربته احطه واضمن نفسي حتى بعد النادي مافيه اي ريحه ممتااااز بكل اختصار . 


....



- كريم لليدين من لوكستيان من احب الكريمات على قلبي ، بالشيا طبعا وشريت غيره من حبي له بطل بطل ، بش شوي ثقيل ودبق انا كميه صغيره منه تكفيني . 

- آه على هالعطر ادوخ عنده ، هذا ومع اللي فوق للجسم ومع مسك عبد الصمدالقرشي شي شي شي ، ريحه نظافه خياليه ، بس ماالقاه في دبي ابد ، خبري فيه محل بالراشد بالخبر يبيعه واخر مره رحت المحل كانو يسوون ديكوراته ، احبه وباقي لي علبه وبديت فيها ، ماودي يخلص ابد . 

- غسول للوجه من قارنييه حلو ينظف بشكل حلو خفيف على البشره ويناسب لغسول يومي ، اللي عندي للبشره العاديه الى المختلطه . 

- سبريه للجسم بالورد ، انا احب الورد بس اي شي فيه ورد وللجسم للاسف الشديد مااتحمله وبشرتي تتحسس منه ، حتى اختي فصرنا نستخدمه بالحماام كمعطر جو فقط لا غير ، وريحته حلوه للي يحب روايح الورد ، بس مااتوقع بشتريه بس هذا كان هديه لاختي . 

- شامبو من لوريال معالج ، جاني من العلبه اللي استلمها كل شهر وبصراحه حبيته ، وافكر اشتريه مره ثانيه اذا خلصت كل اللي عندي . 


...



- لصقات للانف اخذتهم على مدح هدى بيوتي ، وصراحه روعه تشيل من قلب ، فيها ٣ لصقات بريحه البرتقال ودي ارجع اشتري نفسها اذا خلصت اللي عندي . 

- ماسكرا من ميبلين ون باي وان ، حبييييتها من الماسكرات اللي اعطتني كل شي ابيه حجم وطول وكثافه ورموشي تبقي على ماهي لفتره طويله ماتنزل . 

- روج من نكس ماادري شنو الحاله اللي كنت فيها يوم اشتريه من اسواء شي شريته روج وفيه لمعه اللولو ولون مشمشي بس بايخ ، انا عن نفسي مااحب هالنوعيه من الارواج فعلا ماادري شنو شريته ، حاولت استخدمه بس ماقدرت ، رقمه ٥٩٧ .

- روج من برستيج ، عندهم ارواج حلوه ، خصوصي المات الوان خطيره وثابته ، النوع اللي خلصته كريمي بس جمييييل جدا خلص بمعنى خلص رقمه cll-07 ، ماادري اذا موجود حاليا بس حلو ، لونه مشمشي على لحمي جميل . 


.....


وبس خلصت كل شي ، بصراحه تعبت وانا اكتب بس عشان اتوب ومااجمع كميه كبيره . 

فيه شي حابه اقوله كلنا عندنا منتجات نحبها شي غالي منها وشي رخيص بس ساعات نستخسر اننا نستخدمها
بحكم انها غاليه ، بس دامك شريتيها استخدميها حرام الفلوس اللي تحطينها بمنتج ولا تستخدمينه وبالاخير ترمينه بحكم 
انه خلص تاريخه لانتي اللي تهنيتي فيه ولا انتي اللي استخدمتيه . 

بحاول استخدم كل شي عندي واذا الله قدرني اني احلل كل شي دفعت ف الحمدلله اني نفعت نفسي منه . 

وبس ... 

Friday, 27 June 2014

They're Real Push-up Liner Review - الايلاينر الجل من بينفت



السلام عليكم 


اليوم حابه اتكلم عن اختراع جميل في عالم المكياج ، قلم كحل بس جل  من بينيفت هالشركه الجميله
ومميزه بكل ماتقدمه 


القلم وصلني من قلام بوكس لشهر مايو ، واخذت فتره لين اكتب عنه عشان اكون صادقه وصريحه 
وهالمنتج ناس حبته وناس لا ، نشوف شنو رائي فيه . 

اولا انا وحده احب الجل اكثر من اي شي ثاني ، وبالنسبه لي اتقنه اكثر من السائل والقلم العادي ، ومن هالشي حبيت 
اني اجرب هالفكره الجديده .



- هو جل لاينر على شكل قلم ، اسهل من الجل بروحه ولازم معاه فرشه . 
- تقدرين تقربينه الى خط الرموش عشان ترسمين فيه انحف خط كحل . 
- سواده رائع اسود بعنى اسود . 
- ضد الماء + ثباته عالي جدا لعدد ساعااات واصلا ماينشال بسهوله .
- شكل العلبه جميل اسود لامع وانيق ، والغطا لازم نلفه عشان نفتحه ، وهالشي ممتاز عشان ماينفتح بروحه ويجف الجل .
- الريشه هي بلاستيكه مرنه جدا وتتحرك بالشكل اللي حابته للرسم . 
- نلف المنتج من تحت ويطلع لنا الجل من وسط البلاستيكه المرنه .




- طلعي الكميه اللي تبينها و لفه وحده تكفي واذا تبين زيدي ، اذا طلعتي كميه كبيره ماتقدرين ترسمين صح ويحوس . 
- عشان ترسمين آحلى كات ايز امسحي البلاستيكه بالكلينكس عشان تضمنين انظف خط حكل ، انا عن نفسي احب اسوي هالشي عشان ماامسح واعدل في المكياج . 
- الجل نفسه ثقييل ، مو مثل اي جل لاينر استخدمته ، انا استخدمت جل من ميبلين و حاليا استخدم من بوبي براون ، اسهل في الرسم من ناحيه الجل شوي اخف ويمشي اسرع مع خطت الكحل . 


++ المنتج يبي له وقت عشان تتعودين عليه . 


سلبياته : 

- شي لاحظته بس مو دايما ، اذا رسمت وجيت اعدل شوي بالرسمه احس فيه شي ينشال من الرسمه الاولى ، ممكن 
هالشي تتفادين هالشي انك ترسمين جزء جزء ، لاني تعودت عليه الحين ماصرت اشوف هالمشكله . 
- ازاله المنتج من العين ، جربته ببايوديما يعني يشيله بس مو بسرعه ، وممكن بمحلول فيه زيت يكون افضل . 
- هو نزل معاه مزيل مكياج خاص فيه بس ماحبيت اني اشتري شي بس عشان منتج واحد . 

+ في الصوره اللي فوق شلته ب بايوديما وتشوفون مثل النقاط 
هذا الجل نفسه .


هذا تقريبا كل شي واجهته مع هالمنتج ، بالنسبه لي ممتااااااااز بكل صراحه حبيت حبيت الكات ايز وتطلع ممتازه .

سعره = ١٢٥ درهم 

ويبتوفر ببدايه شهر يوليو  في سيفورا و محلات وجوه 

GlamBox June 2014



السلام عليكم 

عوده للبوكس الجميل من قلام بوكس لشهر يونيو ٢٠١٤
وهالمره وصل لي بسرعه ، وحبيت هالشي 


...

نشوف محتويات العلبه لهذا الشهر : 


من اليمين 

١- زبده الشيا خام ، صراحه من كثير حبيت الريحه بس ترطيبها خيالي من SHEA Mirrage وهي شركه منتجاتها عضويه ميه بالميه ، وحبيت هالشي . 

٢- عطر لوليتا ، قديم بس جميل ، بس حجم السامبل جدا صغير . 

٣- سيروم مقاوم للتجاعيد من CARITA ماركه جديده على قلام بوكس وجديده علي ايضا بس بعد حجم السامبل صغير جدا . 

٤- ماسك ليلي من نفس الشركه CARITA يعطي حيويه ويخفف من التجاعيد ويستخدم ل ٥ دقايق .

٥- حبيب الكل بايوديما مايحتاج اتكلم عنه ، وحبيت هالجحم للسفر .




رايي في العلبه لهالشهر ، يعني حبيت زبده الشيا و البايوديما الباقي الاحجام جدا صغيره عشان احكم عليها يعني استخدامين او ٣ وتخلص العلبه ، اتمنى العلبه الجايه تكون افضل وحجم المنتجات يكون اكبر شوي . 

Thursday, 26 June 2014

ZANEDO May 2014



السلام عليكم 

المفروض هالموضوع ينزل من زمان بس انشغلت شوي ، و كم يوم كسل ، وكم يوم سافرت 
بس ان شاء الله الجاي آحلى أفكار ببالي كثيره وان شاء الله بكتبها 

..

عوده لصندوقي العزيز من ZANEDO  لشهر مايو 



اللي احبه في هالشركه هي الاحجام الكبيره للمنتجات ، يعني هم يوعدونا ب منتجين بالحجم الاصلي والباقي يكون ب الحجم الصغير او سامبل .



نشوف المحتويات :
١-  سيروم معالج للسيلولايت اللي بالجسم من DermatoPoietin - General Purpose Skin
٢- شامبو منقي للشعر من Elemis
٣- مناكير لونه جميل للفرنش من kinetics
٤- صابونه للجسم من بيت الصابون
٥- شور جل من Elemis



حبيت كل محتويات العلبه ، السيرووم شي جديد علي واكيد بستخدمه ، والشامبو بعد خصوصي انه شعري دهني
ويحتاج لشامبو منقي .


المفروض بعد كم يوم توصلني العلبه الجديده لشهر يونيو ، اول ماتوصل بكتب عنها . 

Wednesday, 25 June 2014

WIN A TRIP TO PARIS -- اربحي رحله سفر الى باريس






WIN A TRIP TO PARIS WITH BOURJOIS

Go on the Bourjois Middle East Facebook page and instagram page for a chance to win a trip to Paris, courtesy of Bourjois.


Take a picture of your daily moments with one of these colors: Coral, Blue, or Silver
Upload... your photo to the Application (Above Link) & invite your friends to VOTE for you


سيداتي انضموا الى مسابقتنا واحصلوا على فرصة لربح رحلة الى باريس و منتجات بورجوا
التقطي صور من حياتك اليومية التي تحتوي على واحدة من هذه الألوان: كورال، الأزرق أو الفضي
شاركي صورتك في الرابط الأعلى وادعي اصدقائك للتصويت لك



Tuesday, 17 June 2014

BOURJOIS Mix & Match Summer Trends 2014



خلط وتنسيق (Mix and Match)

اتجاهات صيف 2014




في صيف 2014، أقلام تحديد العيون الملونة ستكون موضة مثيرة!

تتجه بورجوا نحو الأثارة بطلّة فنية مخصصة ضمن مجموعتها "ميكس اند ماتش" الجديدة! تجرأي على اللعب مع ألوان النيون البراقة، ألوان مخلوطة ومنسقة، آثار وقوام، للتغطية وللتحديد ... أقلام الكونتور لم تعد محظرة!

7 ظلال جديدة لأقلام تحديد العيون مقاومة للماء


(Contour Clubbing Waterproof Pencil Shades)

في قلب اتجاهات الموضة والجمال للموسم الجديد
تقدم بورجوا مجموعة واسعة من أقلام الظلال المقاومة للماء، مع تأثير غير لماع (matte)، لؤلؤي أو لماع، من أجل خلطهم وتنسيقهم لإضفاء طلّة متميزة... مجموعة يجب تحصيلها!

حسية وموثوق بها
قوام كريمي سهل المزج وسريع المد لإستخدام سريع وناعم.
صيغة مقاومة للماء للحفاظ على مظهركِ سليم طوال اليوم!




New 54 ultra black: أسود كثيف للدراما.



New 55 ultra black glitter: أسود كثيف ممزوج مع مركز اللؤلؤ من أجل تأثير لماع عميق.




New 56 blue it yourself: أزرق ليلي مع بريق فضي خفي من اجل طلّة فاتنة.



New 57 up and brown:: بني دافئ تم أحياءه بصبغات ذهبية، لهيئة أنيقة.



New 58 pink about you: زهري واضح وقوي ليتماشى مع موضة الوان النيون.




New 59 dynamint: أخضر فائق الإشعاع غير لؤلؤي مستمد من النعناع الطازج. أكثر الظلال موضةً.



New 60 taupe of the top: رمادي داكن معدني تقريباً، مرشوش بخلاصة من اللؤلؤ الذهبي الناعم، لإستخدامه بسهولة.



مزيج فائق العصرية يجمع بين قلم التحديد والكحل (eyeliner)
هذا الصيف، تلعب أقلام تحديد العيون والكحل دوراً مزدوجاً لمنظر فني 100 ٪.
تم دمج القلم مع الكحل الأسود لنتيجة مكياج أكثر كثافة وتميزاً.

السعر = ٧٦ درهم