L'Oreal Total Repair Extreme SOS Split End Double Serum
|| سيروم مزدوج للأطراف المتقصفة من لوريـال ||
السلام عليكم
من اسبوع تقريبا وانا اتسوق شفت هالمنتج الجميل صاف مع جهه الشامبو استغربت لاني اعرف هذا كريم للوجه
من لوريال قلت يمكن احط حاطه هنا بالغلط بس اشوف الرف مليان منه ، قريت اللي مكتوب على العلبه وعرفت انه هذا مكانه الصحيح ..
اخذته من باب التجربه وممكن يكون فعلا علاج جميل للتقصف ، هو انا حاليا اعتني بشعري ، ومافيه مانع من زياده
شيء جميل ...
شنو هذا المنتج ؟
هو سيروم مزدوج ، فيه جل يرمم الشعر + سيروم ضد التقصف
- ريحه المنتج ... روعه ريحه نظااافه اعشق هالريحه ، ريحته تشبه جدا ريحه شامبو رويال البروفيشينال اللي يكون خاص بالصالونات ، جدا حلو ...
- بما انه سيروم يعني مو زيتي ابدا ، ولا راح يزعج اللي شعرهم دهني ، ولا راح يثقل الشعر اذا كان شعرك خفيف ..
طريقه الاستخدام ؟
تضغطين ضغطه او ٢ على حسب طول شعرك وتوزعينه عليه وركزي على الاطراف ، يفضل انك تتجنبين فروه الراس . .
اذا ضغطتي نوعين السيروم ينخلطون قدامك ، وهذا شي حلو لانه المنتج يشتغل اذا انمزجوا مع بعض ..
هذي صوره توضح شكل العلبه من داخل
ماكاتبين كم مره تستخدمينه بس بجرب هالفتره بعد كل شور ، واشوف النتيجه ...
حجمه صغير ١٥ ملي
صالح لمده سنه كامله
سعره = ٢٤ درهم " اشتريته من جمعيه الاتحاد التعاونيه بدبي "
..
ليست هناك تعليقات:
إرسال تعليق