الاثنين، 2 نوفمبر 2015

Black Opium من YSL


Black Opium من YSL 


السلام عليكم 

باذن الله راح يكون يوم الاثنين مخصص للعطور ، وتجربتي ورايي فيهم ، انا انسانه اعشق العطور 
وقررت اني ابدا هالسلسلة العطرة ..

ممكن تشوفون العطور اللي كتبت رايي فيها من هنا ، وان شاء الله كل عطر راح اكتبه راح اضيفه لهم 



عطر اليوم هو

Black Opium من YSL ، هالعطر صار له فترة طويلة نازل في الاسواق ، جذبني لونه اولا وثانيا شكله ، انا من الناس اللي احب اشوف 
تعليب العطور وصناعتها ، زجاجة العطر قوية وتتحمل فيه الشنطة ، والغطا شوي صعب بالفتح ، بس احسن انه في الشنطة ماينفتح ويخرب لك اشيائك 

اللي حببني فيه قبل مااشمه انه قالي احد مكونات القهوه ، وانا اعشق القهوه ، شميته واعجبني هالنوع من العطور ياخذك لعالم ثاني لانه ياخذ وقت لين ماتشمين الريحة الاخيرة له ، العطر شوي سويت ، بس شي فخم وراقي ، مو السويت اللي كانك حلاوه ..

يمكن مو الكل راح يحب ريحته بس عطر جميل وانصح فيه ، من العطور اللي انجذب لها شخصيا 

قوية وهادية بنفس الوقت ، تثبت على الملابس و الجسم لساعات طويلة تقريبا ٥ او ٦ ساعات 
عطر مناسب للعزايم والمناسبات ، ابدا موعطر صباحي 

 من فترة قريبة نزلوا له اصدار ثاني ، بنفس الشكل بس اختلاف لون القلتر اللي على العلبة الجديد لون القتلر وردي، واخف لانه تواليت 





مكونات العطر :

النوتات العلوية :
الفلفل الوردي- اورنج بلوسم -الكمثرى

الوسطى:
القهوه - الياسمين 

القاعدة :
فانيلا - الباتشولي - خشب شجرة الارز


الباتشولي مع الفانيلا شي شي شي ، العطر شوي سويت ، وانا مااحب العطور السويت بس هذا غييير حبييييته جدا 

العطر يعتبر شوي غالي ، بس يستاهل كل درهم فيه ، لانه مميز ويستااهل 
..

حجم العطر ٩٠ مل
ادو بارفان
موجود بكل محلات التجميل الكبيرة ، وسعره فوق ال ٥٠٠ درهم 
سعر ال ٥٠ مل ٤٥٦ درهم
انا اخذته من باريس غاليري - دبي مول 

هناك 3 تعليقات:

  1. !! عندي نفس العطر بس اللي لونه وردي ، جمييل مرره ريحته مو مره قوية
    عطورآت الماركة هذي مرره تعجبني

    ردحذف
    الردود
    1. هلا اسما منورتني

      ايه الوردي شوي اخف شوي بس ريحته جميلة جدا

      حذف
  2. روعه رائحة العطر فخمة جدا

    ردحذف