الجمعة، 20 أبريل 2018

امبولات بيو سيل لنمو الشعر ومنع التساقط | Bio Seal



امبولات بيو سيل لنمو الشعر ومنع التساقط | Bio-SealHair Growth And Anti Hair Loss Shampoo 




السلام عليكم 


الشعر هو تاج الجمال بالنسبة لي ، احب شعري واحب اعتني فيه ، بس يعور قلبي اذا شفته يتساقط 
مو التساقط العادي ، لا التساقط اللي تشوفين خصل صغيره تطيح بايدج 


التساقط له اسباب كثيرة ، منها نقص بالفيتامينات او اذا كنتي تتبعين رجيم قاسي  او لمرض لاسمح الله 
اول شي المفروض نعرف اسبابه عشان نعالجها وبعدها نقدر نستخدم الاشياء الثانية الفيتامينات والعلاجات 
...



من سنين وانا استخدم هالامبولات، ومرتاحة عليها ، كل فترة ارجع لها عشان احافظ على شعري


اول مره استخدمها من باب التجربة ، ماتوقعت اني راح احبها لهذي الدرجة اللي لحد الحين استخدمهم
 علبة وفيها ١٢ امبولة فيها خلاصة الاعشاب والعسل الملكي ، تغذي البصيلات 

طريقة الاستخدام مثل اي امبولة تكون على شعر توه مغسول ونظيف ، تاخذين الامبولة تكسرينها وتستخدمين كل اللي فيها
على كامل فروة الراس وتدلكين الراس بالكامل عشان تتغلل للبصيلات 

الامبوله فيها ريحة بس لطيفة وبسرعه تختفي ، واصلا فروة الراس بتتشرب الامبولة بالكامل ، وبعدها
تكلمين طريقة العناية بشعرك مثل كل مره بعد الشاور 

الامبولة ابدا ماتدهن الشعر ، مثل الماي شوي وينشف اصلا .. بس الافضل تاخذين راحتج بالتدليك عشان الشعر يتغذي 

تستخدمين الامبولات ٣ مرات في الاسبوع ، يعني العلبة راح تخلص خلال شهر 

....




النتيجة اللي شفتها خلال ٣ اسبوع التساقط يقل وبشكل تدريجي وانتي بتلاحظين هالشي ، استمريت على الامبولات 
لمدة ٣ شهور متتالية و النتيجة ماشاء الله ممتاااااازة 

التساقط اقدر اقول انه صار بالشكل الطبيعي ، واقصد بالطبيعي انه يطيح بس عادي لانه لازم باليوم بتطيح كم شعره
وهذا عااااااادي جدا .. بس مايرجع يطيح بالشكل السابق 

بعد ال٣ شهور بتحسين انه في شعر يطلع مكان اللي طاح والشهر الرابع تبدين تشوفين الشعر الصغير اكثر 
اقدر اقول بتكونين في فترة من الفترات تعانين من الشعر الصغيرة هذا وماتخلين شي ماتحطين عليه عشان يترتب بس
شي جميل انه الشعر بدا ينمو 

....

هل انصح فيه ؟ 

طبعااااااااا خصوصي اني اشوف النتيجة بعيوني ، صح شوي يطول الموضوع بس المهم فيه نتيجة جميلة جدا وراضية عنها ، واللي يثبت هالشي اني لحد الحين ارجع اشتري الامبولات منها 

عشان اغذي شعري ، وهذا اللي انصح فيه اذا خلصتي كورس العلاج مدتة ٣ شهور ممكن بعد فترة ترجعين تستخدمينه لمدة شهر مره ثانيه .. او تقلليل عدد الاستخدام يعني مرتين في الاسبوع 

.....

سعر العلبة = ٦٥ درهم ل ١٢ امبولة 

مكان الشراء : محلات نزية في الامارات ، وجمعيات الاتحاد التعاونية في دبي 
صناعتها ايطالية  

هناك 9 تعليقات:

  1. من وين اقدر اشتريها بالكويت ؟

    ردحذف
    الردود
    1. صيدلية حياة أيسوون عروض كل اسبوع بالعرض ايكون سعر اللعبه أكتفي شهر كل اسبوع ثلاث مرات سعرها خمس بس العروض مو نفسها ايغيرون فى اول ما اتشوفين انهم مسوين عليها عروض اخذي كمية يعني حق ثلاث شهور يطلع عليج 15 وإذا سته شهور يطلع 30 طبعا الاسعار هاذي بالعرض بدون العرض اذا تبين تاحذين كورس ثلاث شهور يطلع عليج مو اقل من 30 بس هما قبل وبعد اسعار الامبولات زينه

      حذف
  2. هل یوجد بالعراق وکم سعره

    ردحذف
  3. بعد كم من الوقت اغسل الشعر بعد وضع المحتوي

    ردحذف
  4. بعد كم من الوقت اغسل الشعر بعد وضع المحتوي

    ردحذف
  5. شكد تبقى على الشعر وتنغسل

    ردحذف
    الردود
    1. لا بتحطيها بعد الحمام متل المي هي بس عجلده الراس وعادي بتضل لترجعي تتحمي انا بحطها مرتين بالاسبوع الها ريحه لطيفة

      حذف
  6. ممكن رقم تلفون للتواصل

    ردحذف